Mikorontana ny rafitra mandrindra ny « opération CIN ». Ny tsy fahampian’ny fitaovana sy ny halaviran’ny toerana ary ny tahotra amin’ny tsy fahandriam-pahalemana no antony mahatonga izany raha ny nambaran’ny solon-tenan’ny firaisamonim-pirenena.
Raiketina ho 40.000 ariary isam-bolana ny tambin-karama ho an'ireo sefo fokontany.
Miisa 12 hatreto ireo zana trozona rendrika teto amintsika hatrin’ny fiandohan’ny taona 2022. Tsy mbola fantatra mazava ny anton’izany. Misokatra ny fanadihadiana.
Lavon’ny Royals Leopard FC tamin’ny isa 3 no ho 2 ny CFFA Andoharanofotsy. Mbola tsy vita ny lalana fa hiatrika ny lalao miverina any Eswatini ny ekipam-pirenena malagasy.
COVID-19- Miisa 12 ireo marary vaovao teo anelanelan’ny 03 hatramin’ny 09 Septambra. Mitotaly 26 ireo manaraka fitsaboana hatreto.
Niamboho teo amin'ny faha-96 taonany ny Mpanjakavavy Elisabeth II. Nitondra nandritra ny 70 taona izy.
Manana trano fatoriana miisa 300 amin’ny sokajiny manaraka ny fenitra ireo "Hôteliers" ao Mahajanga sy ny manodidina. Afaka manao tolotra amin’ny vidiny tena mirary, latsaky ny 25 hatramin’ny 30% izy ireo.
Mitentina 325 tapitra euros ny fanohanany amin'ny fampandrosoana an'i Madagasikara ao anatin’ny 4 taona manaraka. Anisan'ny sehatra laharam-pahamehana ny fampivoarana ny tontolo ambanivohitra, ny fitantanana, ary ny angovo.
Manao fihetsiketsehana ny mpianatra ao amin'ny Oniversite Mahajanga. Mitaky ny fandoavana ny vatsim-pianarana nandritra ny telo volana izy ireo.
Tokony efa nihatra ny karama farany ambany 250.000 ariary. Hivoaka tsy ho ela ny didim-panjakana mamaritra ny andininy, hoy ny ministry ny Asa.