COVID-19- Miisa 12 ireo marary vaovao teo anelanelan’ny 03 hatramin’ny 09 Septambra. Mitotaly 26 ireo manaraka fitsaboana hatreto.

Niamboho teo amin'ny faha-96 taonany ny Mpanjakavavy Elisabeth II. Nitondra nandritra ny 70 taona izy.

Manana trano fatoriana miisa 300 amin’ny sokajiny manaraka ny fenitra ireo "Hôteliers" ao Mahajanga sy ny manodidina. Afaka manao tolotra amin’ny vidiny tena mirary, latsaky ny 25 hatramin’ny 30% izy ireo.

Mitentina 325 tapitra euros ny fanohanany amin'ny fampandrosoana an'i Madagasikara ao anatin’ny 4 taona manaraka. Anisan'ny sehatra laharam-pahamehana ny fampivoarana ny tontolo ambanivohitra, ny fitantanana, ary ny angovo.

Manao fihetsiketsehana ny mpianatra ao amin'ny Oniversite Mahajanga. Mitaky ny fandoavana ny vatsim-pianarana nandritra ny telo volana izy ireo.

Tokony efa nihatra ny karama farany ambany 250.000 ariary. Hivoaka tsy ho ela ny didim-panjakana mamaritra ny andininy, hoy ny ministry ny Asa.

Feno 70 taona ny Fikambanan'ny Poety sy ny Mpanoratra Malagasy ( Havatsa-UPEM). Hanao dia rodoben'ny vakiboky an-dalambe eny Analakely izy ireo.

Misolo tena an'i Madagasikara amin'ny "compétition internationale Skateboard" any Rosia i Lofo Nirina. Mangataka fanampiana ny amin'ny enti-manana izy hiatrehana ny fifaninanana.

Maherin'ny 28.500 ireo mpivahiny avy amin'ny lafivalon'ny Nosy manatrika ny andron'ny tanora na JMJ andiany faha-10, any Antsirabe.

- Nodimandry i Jimmy Rakotoarisoa. Tale mpanatanteraka teo anivon'ny federasion'ny mpisehatra amin'ny toerana fandraisam-bahiny sy fikarakarana sakafo eto Madagasikara (FHORM) izy.